[صوت الإحساس]

أليكم

كتبتها للغاليه في ليلة العيد



كنت في أمس الحاجه


لأن اسمع منها

عيدك سعيد وجعل ربي يعيده = ونعيش باقي عمرنا في سعاده

العيد ماهو عيد وانتِ بعيده = العيد عندي في غيابك نكاده
أنا وحيد ومثلي انتِ وحيده = ولا قلت هانت مال حظي زياده
الهم نفسه والثواني عنيده = والحزن بيتي والتناهيد عاده
والليل سجن وذكرياتي حديده =والبحر دمعه والمواني وساده
والجرح ينزف والمواجع جديده = والنظره اللي في عيوني عتاده
والحال بعدك شكوته ماتفيده = يشكي ويبكي والشماته حصاده
من يوم غبتي والمشاعر بليده = لا تسأليني وش سبب هالبلاده
حتى القصيده لاكتبت القصيده = يموت حرفي ما تحقّق مراده
وش ذنب قلبي لا قطعتي وريده = وش ذنب نبضه لا غدا لك قلاده
مذبوح كلّه والعزا يوم عيده = بالاسم عايش بس ميّت إراده