أخواني وخواتي اسرة هذا المنتدى الشامخ منتدى الفطاحلة أقدم لكم هذه المتواضعه والذي ارجو ان تحوز ولو على القليل من رضاكم واستحسانكم
تعالي أخذ اعلومك واخـذي اعلومـي = بقابلـك فالمكـان ألـلـي تعرفيـنـه
وانتي تعرفيـن لمـن قلـت بعزومـي = جيتك بـذاك المكـان أللـي تحبينـه
قريب مـن حيكـم بأجيـك ملزومـي = في أخر طريقِِ ما ضني يـوم تنسينـه
فالشارع ألي يودي مدخـل أهمومـي = وأول بدايـات همـي يـا عناويـنـه
عنوان ذاك المكـان بقلبـي وسومـي = من بيـت شعـرِِ لمـا قلتـه تردينـه
وأقول تكفين رشـي الـورد بقدومـي = وبيت الغلاء أللـي بنينـا لا تهدينـه
أموت وأحيـى وهـذا منتهـا يومـي = والعمر لـو راح مـا يسمـع معزينـه
وش حيلة اللي حياته راحـة أحلومـي = لمـا فتـح تونـا بــابِِ تصكيـنـه
وانا اعرف ان الحياة احظوظ واقسومي = وخيـط الأمـل يـا جميلـه لاتهدينـه
هذا كلامي وانـا معطـى ومحرومـي = والـي تسويـن قولـي وش تسمينـه
أقـول ولا بـلاش اللـوم مـا لومـي = باصبر والايـام تكشـف مـا تخبينـه
كنت احسب اني معك ماني بمهزومـي = واليوم صرنا نسـب الحـب واسنينـه