[blink]
مساااااااااااكم كادي
[/blink]
يامن سكنتم فؤاااادي
بكم ترقى
أسألك بالله وش له جيتي = علّميني وش سبب هالجيّه
لو بلهفة خافقي حسّيتي = كان يمكن صافحتك ايديّه
كيف بغفر كل ما سوّيتي = والجروح اللي بقلبي حيّه
تدري انّك مذنبه ما اوفيتي = وادري ان الذنب جابك ليّه
مات حبك بعد ما قفّيتي = وانكتب في موتته مرثيّه
قبلها ناديت ماردّيتي = كنّ ما في خافقك ماويّه
طحت قدامك ولا فزّيتي = وانكسر باقي شموخي فيّه
ما شعرتي بي ولا حنّيتي = والأمل فيني تلاشى ضيّه
لا تناديني مدام ابطيتي = مال روح في وصالك نيّه
والخفوق اللي عليه اخطيتي = والله انّك ما تلاقي زيّه