مسيتوا بالخير جميع
نص كتب من فتره
تطرقت فيه الى قضيه قسمت الشعب السعودي بين مؤيد ومعارض
وهي
قيادة المراه للسياره
لكن العجيب
ان من ابدى رايه واييد وعارض اغلبهم رجال والقضيه للمراه
وبعد ندوه جدا رائعه للدكتوره
بدريه السيف وضحت ايجابيات وسلبيات تطبيق القرار
ووضع احتمالات او بديهيات محتمله لحالنا بعد القرار وقبله
فوجدنا ان سلبيات تطبيق القرار عندنا اكثر من ايجابياته
ونا كنت من المعارضين قبل الندوه وتمسكت بالمعارضه بعد الندوه
مالكم بطولت الهرج
لكم القصيده اتمنى ان تنال على استحسانكم ...
الا ياهاجسي قد قيل بالميدان ياحميدان=ونا جيت الميادين العظيمه لجل اجملها
الا ياهاجسي عندي خبر بانك فصيح لسان=تشيل الكايده والكايده محدن تحملها
نخيتك يوم ناديتك دخيلك فز ياذيبان=انا فوجهك من هزال الحروف ونقص مجملها
هنا بكرب حزامك ياقصيدي وارمي النيشان=وبآصيب الهدف واللي بداها لا يكملها
يقولون المره..!! تبغى تسوق وتترك الورعان..؟!=تبا وسم الحضاره ياعقول القوم يشملها..!!
ونا اقول المره تكرم عن الهافي وضيع الشان=هذاك اللي تجره زبرقات الغرب باكملها
الا يامجلس الشورى الا يامكتب الديوان=نبا وقفة فعايلكم هنا دام انتأملها
معي صوت البني ونا من اللي تحكر الاوزان=ورايي يفقع عيون البصير ولا يجاملها
تعبنا من تصاريح الغريب اللي يبا الازمان=تضيع ابها حقوق المسلمه والكل يهملها
تعبنا من تراديد الغنا وملاحق الالحان=طبول ابليس تضرب فوقنا وابليس صاملها
يبون الهيّنه والهينه لابد ما تنهان=معاملهم نبا نهدم بناها فوق عاملها
وحنا ما نشيل الحمل راكينه على ابليهان=وذي عاداتنا ياجاهل الحمله وحاملها
حريم الدار تبني بالوطن واتقوّي البنيان=ولا تحتاج لافكارن تضيّعها وتخملها
وزنا وزنتك ياراعي الوزنه على الميزان=وخابت كفتك والمشكله كثرت دماملها
ختام القول للي يفتهم ويقدّر الاثمان=ترا الناقه لها راعي وراعيها يشمّلها