[صوت الإحساس]

بدون مقدمات حروفها قلمي وحبرها ألمي

العيد

حبيبي لا تهنيني بقرب العيد وانت بعيد = حبيبي مادريت اني بدون احساس بغيابك
نجامل كل خلق الله بلبس جديد فوق جديد = وحزني يسكن ثيابي وحزنك عطّر ثيابك
انا ماهمني منهو يهنّي زيد والا عبيد = انا اللي يحرق اعصابي بعد ماغبت وش جابك
وهمّك يشبه لهمّي ومن تنكيد في تنكيد = إهي من قِلّها احزاني عشان اتحمّل عتابك
اشوف الناس من حولك تبارك لك بيوم العيد = وانا اللي كنت لك روحك كذا واقف على بابك
ادوّر فـ الوجوه اللي تشوفك يا أمير الغيد = واجي من لهفتي يمّك ويوقف دوني اصحابك
ولا قفّيت تسألني عيوني عنك بالتحديد = حبيبك ليه ماشفته وهو اقرب من اهدابك
اروح وكل جرح (ن) منك فيني يطلب التجديد = واشيل الهم فوق الهم الين اموت بسبابك
ولا تبكي على موتي انا لن مت مت شهيد = شهيد الصدق والطيبه وقلب (ن) يعشق اترابك