بــدون أي مـقـدمات للتـواصل
هاجوس فكري من الضيقة دوابي دوي = لين أخر أحدود ما يمكن يبيـح الكنيـن
والهم تحت الحنايا قـام يلـوي لـوي = أسرف به الصبر يا رب الخلايق تعيـن
والقلب من كثر ما صابه من أل وذوي = ينزف وأخفي صوابه خوفة الشامتيـن
والرجل يمشي بها المقسوم وانا قـوي = ومن فضل ربي وجوده لي فوادٍ ذهيـن
وأميز الخلق لو كان الزمـن فوضـوي = وأرتب أوراق خافيها مـا ودي تبيـن
لو كان هامش ورقها كان يبغى طـوي = لأكن عنوان ذي لأوراق حبـره ثميـن
عنوان واضح به أصدور الورق مرتوي = وفيه المدقق يحصل كلمة الصدق ديـن
وما يقدر يظهر المظمون غير إلا غوي = يمكن يجاوب صدى صوتي لو بكلمتيـن
فاهم ويقدر يفسر مـا ذكـرت أنحـوي = ويقول ما يمكن اليسرى تعـود يميـن
وفي ذكر عصرٍ عليه الذيب قام يعـوي = على شوامـخ مبانيـه يـون الحزيـن
جريت صوتي على الذكرى وانا مهتوي = وأقول يا الله على بعض الخلايق تعيـن