السلام عليكم /
جديد اليوم لذوائقكم
مشاركة بنكهة الشتاء ،،،
الـبـارعــــة
بارعة في ، فن تمثيلك بروع = بالتغزّل ، والهروج الدافية
ماحسبتي العاقبة قبل الشروع = بإرتكابك ، للغلط ، يالهافية
عزتي بالنفس ، ماتقبل خنوع = من مفاهيم ٍ بفكري وافيه
ماانحني إلاّ بفرضي والركوع = للذي محصي الأمورالخافية
ولاتظنين التسامح لك خضوع = وأنتي طبعك للحقايق نافيه
كلما كبرّت أصليّ في خشوع = إنبرى طيفك ، وشال القافية
وشتت أفكاري تفاريد وجموع = وأنا قلبي ، به هموم ٍ كافيه
سبة اللي ذاوي ٍ بين الضلوع = ينتظر منك الحلول الشافية
من غيابك عنه مخطور ٍيموع = وعن منام الليل عيني جافيه
كلما شق البدر ستر الهجوع = قلت ذي محبوبتي ، جت لافيه
ولاطريتي لي بعزالنوم أفوع = وأشعل أنوارالهجوس الطافية
أنتظر لين الفجر يبدأ الطلوع = ساهر، وكل الخلايق غافية
وش يفيد اللي تحاشا للوقوع = بالحذر، و أقدام رجله حافية
فالعمرماعاد به فرصة رجوع = والغنيمة في العفو، والعافية
مودتي لتواصلكم
محمد بن عمار