السلام عليكم ورحمة الله وبركاته..
اعزائي القراء..
اتمنى ان تحوز هذه الابيات على رضاكم..
متمنيا للجميع التوفيق.
اللي يتابع للخطايا خطيته=عنها غفل مهما يكون اسلوبها
يا هيه نظف داخلك من سيته=واترك مساوي الخلق هم يشقوبها
منتب وصي آدم على ذريته=ولانتب على اكتافك تشيل اذنوبها
لا تنجرف مع من تبطن نيته=زرع الفتن بين الدول واشعوبها
خلك على درب النقى لا تهيته=والشايعه لا تندرج بدروبها
لا تصير من اهل العقول الميته=يغديك عدوان الوطن وزلوبها
اللي دواخلهم شرور مبيته=الحقد يملا صدورهم وجيوبها
عبدالله الشويمان-الرعد