[عذب القوافي]

[quote=مجدي صالح المبارك;679038]مع كل كتاباتي حاولت ان ابتعد قدر الإمكان عن وصف أغلى إنسانه احببتها او عن التصريح بإسمها بشكل مباشر ولكن مع مطالبة احد الأشخاص ان اكتب لها قصيدة بإسمها ولو انني منذ زمن طويل ارغب في ذلك ولكنني اعلم بأني لن أستطيع ان اوفيها حقها مهما كتبت ولاأظن بحور الشعر تستطيع ان تصفها فلهذا كنت اتهرب من الكتابة عنها , ومع ذلك كتبت لها هذه المتواضعه على أمل ان تحوز على جزء من استحسانكم

طحت من كْبد السما للأرض ذاوي=للغرام اللي ملـك لحمـي ودمـي
كان يا ما كان فيني طفـل خـاوي=من هموم استعمرت ذرات جسمـي
اركض ابوسط الحواري بدر ضاوي=تلحق غباري خطاوي عيال عمـي
بين حضران السعف صوتي غناوي=وان عثرت الغاليه تصلي وتسمـي
يالحبيبه جيت بحر الشعـر نـاوي=انثر احساسي اظن الشعـر نشمـي
و شْح في حرفه وخانتني الهقـاوي=و كل شاعر اشتكى من سوء نظمي
بس انا حالف اذا هالقـاف غـاوي=الوي اذراعه واسوقه ليـن يهمـي
يالحبيبـه عشقكـم للـيـوم راوي=يرتعش نشوة غلا مع كـل وسمـي
ان غشاني الليل مثل الذيب عـاوي=و معْ مصابيح الفجـر القـاه يمـي
يالحبيبه كل مافـي الحـب كـاوي=الهجر مثل الوصـال بحـد علمـي
لو يصد الطرف تهلكني الخطـاوي=وان تواضع واقترب ينهار حلمـي
يالحبيبه مانسيت اسمـى الدعـاوي=واحتضانك لـي وتقبيلـي وشْمّـي
بسمتك مـن فاتـك العلـه تـداوي=و نظرتك يجلى بها مسنون همـي
مانسيت التسعه في رحم الرجـاوي=والقدر ينسج معا كل يـوم اسمـي
كوكبٍ وافد على صـدر الشقـاوي=ينتظر لحظة لقا معْ طيف وهمـي
و يوم شفتك يا ظما مليون هـاوي=خر قلبي وقلـت للجنبيـن ضمـي
ضمي انسـانٍ بدونـك مايسـاوي=شعرةٍ في رمش من بالحب معمـي
يالحبيبـه حبكـم فـرضٍ سمـاوي=احتواني بكل كيـف وكـل كمـي
لو عطوني الكون ورهاف الغطاوي=قلـت أمـي ثـم أمـي ثـم أمـي

[/quote

مبدع بكل حالاتك

أخي / مجد يعطيك العافية

وصح لسانك مليون

مودتي ,,,,,,,