ياياسـمـيـني ويـافـــلي وريحاني = ياوردة الحب عطرك دايم يفوحي
ويطيب من عبق طيبك كل جداني= يانور دنياي ياقمراي ياضوحي
غلاك يجري مع دمي بشرياني = ودخول غيرك لقلبي غير مسموحي
عطفك ولطفك معي الإنساني/ أنساني = غمي وغبني وسيل الهم وجروحي
اذكرك واضحك وانا في شدة احزاني = ويبتسم لي ربيعي في شتاء نوحي
ومن كثر ما اعشقك صارت تلهج لساني = باسمك وأردد واقول ( 00) روحي
كـنّـك خلقتي 00رعاك الله / من شاني =: يكفي اشوفك ولي يتحقق طموحي
واعزف على اوتار وصلك اعذب الحاني= وآقول تكفين ثم تكفين لا تروحي
فيك أتحدى زماني لا تحداني = وابني على طيب قلبك عالي صروحي
واشعرمعك بالهناء في عالمٍ ثاني = وآجيك أفضفض بمافي القلب وآبوحي