تذوب في صمت الحكي نبرة الشوق = و تبقي الاماني بالضماير جميله
حبيسة الأنفاس عن كل مخلوق = متعلقه بين الضلوع النحيله
تستآمن الاحداث و احلامها فوق = يا عل بالاسباب تلقى وسيله
لحظة مناها تنتظر غيث و حقوق = يروي ضمى روحٍ عناها تشيله
من حملها تشكي غرابيل و عقوق = على ركام احزانها كل ليله
تقضي لياليها ليا حزة شروق = بين الرجا و أضغاث حلم و قتيله
كن الأمل من دونها باقها بوق = و صارت تشوف الهيّنه مستحيله
يا عسر لحظات الوفا بوقت مسروق = من مدة يدين الحظوظ البخيله
طاح الرشا مع دلوها و يبست حلوق = زودٍ على ذيك الحمول الثقيله
ياشوق لا تقسى على قلب محروق = له غايةٍ عنها المسافه طويله
