طول الاعمار ماهي بالاماني جـديـره=الـهـرم والمـقـابر بالـنـتـيـجـه كـمـا هـي
راح نـركـض ونـتـعـب بالحـياة المريره=والحصيله رحيلي عن طوارف شياهي
والـهــرم لـه فـعــولٍ بالاوادم حـقـيـره=ولذتك يوم غصنك تحت الامطار زاهي
لو تـعـالـج بـلـنـدن والـدكـاتـر شهيره=وفي جنان المداين رحت فترة نـقـاهي
مرجـعـك للـمـقـابـر لو جنودك غفيره=وكل عذرٍ تجيبه عن ردى الموت واهي
وراح تلـقى نـتـايج كسب شره وخيره=ولا تـبـشـر ظـلـومٍ في مـسـاريــه تاهي
قسوة العيش مـيـزه في رمال الجزيره=كم تحطم بـقـيـظـه من كـبـار الـجـمـاهي
كم شجاعٍ بشـمـسك صار تسمع زفيره=كن صدره قـدورٍ في لـواهـيـب طاهي
الجــدود الاوايـل سارعـت في نـفـيره=ومن قـعـد في لهـيـبـه بالطواريق باهي
يـوم دور الـهــلالـي والخـيــول الـمغيره=اودعـتـهـم على حـــد الردى والسفاهي
طول عمره وسيفه ما ركد في جفـيره=يـطـعن اللي تـشـوفـه بالمجالس فكاهي
لاتغـرك مـزوحـه او عـواصف هديره=يـبـي يـطـلـع خـفــوقــه للهواء والنفاهي
والـدلاء ماتـفـيــدك بالحـبــال الـقصيره=راح تظـمـى ودلوك ماتطـول الـمـياهي
وكان جاورت نـاسٍ ماتحاسب ضميره=مثل ماقـيـل كم تحـت السواهي دواهي
وجـيـرة اليوم ماهي ياهل الجود جـيره=ماتجــي للـعـزيـمـه لو على كاس شاهي
صار فـوقـك وتحـتـك وبجــوارك سعيره=ويستر الـنـفس ربي ثـم صـيـتي وجـاهي
وسط جوفي خفوقٍ للـمـعـالـي مـسـيره=درب رجلٍ عزيزٍ في فعوله يباهي
وراحت مـزون عـمـري ماشربـنـا غـديره=وأول الـعمر مانـعرف شطوط وملاهي
ياحـســافــة عزيـزٍ والـهـواجـس تـديـره=صار تحت الملامه قبل دوس الـنـواهي
وزاد جرح الضماير عـقب فرقى عشيره=صعب يمسي خـفـوقي عـقـب فرقاه لاهي
عـيـن ريـمٍ غـنــوجٍ فـي فـيــاضٍ عـطـيره=والردايف تشيل الـثـوب لـو كان راهـي
ظـل الاغـصـان دايــم لاتـحــرك يـذيــره=ويرتـبــك بــه خـفوقٍ بالـمـساريح ساهي
ضاق صدري ولاادري عقبها وش مصيره=وصـار زيـن العذارى مايـثـــيـر انـتـبـاهي
كـلـمــا شفت ريــمٍ بالــعـــذارى غـريــره=ماتـقارب وصايف عـشـقـتـي او تـضـــاهي
وفــوق راسي هـروجٍ بالـمـجـالـس كـثـيره=بين ضـحـك وشمـاتـه وبـيـن آمر وناهي
ولا تجيك النصيحه من خـبـيث الـسريره=والـعـسـل من كـفوفـــه بالـمعاليق فــاهـي
دون خــلـــي دروبٍ بالـمـساري خـطيره=ما تـجـيــهــا خـطوط ولا عـلـيـهـا مـقـاهي
وهـي سـبايب عـيـونٍ ما يـهـمـلــج نظيره=تسـهــر اللـيل كـلـه لـيـن وقــت الـنـبـاهي