القلب له لاحل طاريه فزات=فزة غريق(ن) طامعٍ بالأجاويد
ولامر طيفه جادت العين عبرات=تذرف عيوني صافي الدمع وتزيد
على الوساده تاخذ العين غفوات=نومي يجدد ماضي الحزن تجديد
ولياسألوني هو بالقلب علات=قلت السبب فقدي لشيخ الصناديد
ياليتها فرقا بطول المسافات=بس البلى فرقا تراب وملاحيد
غاب الولي عني وذقت التعاسات=ماتت فروحي كلها مع ضحى العيد
أسهر لحالي وامسح الدمع بسكات=واسج وأسأل عنه داري بترديد
من زود شوقي ضمة الثوب حسرات=ومع ضمتي للثوب تشعل مواقيد
يالله ياعالم جميع الخفيات =ترحم ابوي وتسكنه داره سعيد
ويالله تجعل ضيقة القبر فرجات =وتغفر ذنوبه يا صدوق المواعيد