[الذيب الذيب]

السلام عليكم ورحمة الله وبركاته
أسعد الله جميع اوقاتكم بالخير والمسرات
بيت الشعر له عندي ذكريات جميلة
وقد رأيته وانا ماشي على السيارة مبني قريب من الطريق
مما أعاد ذكرى السنين الماضية .

يابيت يابيت الشعر وش جرالك =من عقب منته لنشاما تبنّا
اليوم ما تذكر وجابوا بدالك = عمايرٍ في بنيها كلّ فنّا
جاوب على السؤال يابيت مالك =قال و يجر الصوت صوت المعنّا
إعرف ترا لوهو زمانك صفالك = لابدّ من يومٍ حبالك تثنّا
ما ينفعك جاهك ولا كثر مالك =غير العمل لازان منّا ومنّا
وانا انتهى دوري وش اللي طرالك = يومك بعال الصوت فيّه تغنّا
قلت السنين الماضية طاب فالك =ما تنسى ايامٍ في وسط سكنّا
عن حرّ شمس الصيف كافي ظلالك =حتى الشتاء لو زاد ما يمتحنّا