اقتباس:
المشاركة الأصلية كتبت بواسطة محمد عبدالعزيز الغنام
للإستماع و الحفظ اضغط على الرابط
.
.
.
.¤* ♥ قــــلــب=وحــنــايـــا ♥ *¤.
يا بنت يكفي ماحصل بين الأضلاع=أرجوك ما بقى زماني بقايــــــــــا
♥=♥
خليني بحالي كتوم" وسمّــــــــــاع=واتكلمي لكن بليّا سوايــــــــــــــــــا
♥=♥
لا تحسبين القلب لص" وطمّـــــاع=ترا الصدر مفتوح ما من خفايــــــا
♥=♥
القلب سافر دون مجداف وشــراع=لعيون ذيك البنت باع الحنايــــــــا
♥=♥
والجوف ما به غير آهات وأوجاع=تعالي اقري في عيوني حكايــــــــا
♥=♥
من كثر ما شافوا من الناس بيــــاع=صاروا يحسبون البضاعة مطايـــا
♥=♥
من كثر مــــا مديت اذراع واذراع=عطيت لكن وين حق العطايـــــــــا
♥=♥
قدام وجهي قالوا فلان فـــــــــزّاع=ومن خلف ظهري قطعوني شظايا
♥=♥
ما بي عطا يا بنت مليان للقــــــاع=الوقت يعطيني بلا جزايــــــــــــــا
♥=♥
اخذت لين اصبحت في حالة اشباع=حزن" ملاني وامتلاني هدايـــــــا
♥=♥
هذا الزمن ظالم وقاسي وصفّـــاع=ما يسلكونه غير سود النوايــــــــا
♥=♥
عزي لمنهو مرهف احساس وطباع=فجأة واذا هو في عداد الضحايــا
♥=♥
والا انا يا بنت مقدام وشجـــــــاع=وببقى على حالي جزيل العطايـــا
♥=♥
لكن يكفي ماحصل بين الأضـــلاع=أرجوك ما بقى زماني بقايـــــــــا
.
.
.
وانتم سالمين،،
اخوكم الشاعر/ محمد عبدالعزيز الغنّام
|
صح لسانك مليون ولايكفون
قصيدة رااائعة روعة المعانى
سلمت ودام حرفك