على مراء من اجموع البشر وأنوار مضويه=يهم الشاعر إنه ييفتخر بأعجاب جمهوره
وأنا من طبعي أحب البيوت اللي مثاليه=بودي تصبح أبياتي من أهل الطيب مذكوره
ولاني من كتب للشعر لأجل أعيون شاميه=أحب أبيات شعري في حدود الدين محصوره
ولاني من كتب للشعر وأخلاقه تجاريه=أحب أحسن الأخلاق وسط الشعر وسطوره
أحب أنصح ولابجرح وأدور للجماليه=وأحب أشوف شعري بالنصيحه باينن دوره
أحب أمشاركة غيري ولاحب الحياديه=ولابأرضى على أحدن من قصيدي يجرح أشعوره
منحني ربي القدره باالأبيات القياديه=وأحب اسمع لراع الطيب وأخذ رايه وشوره
أبا اجعل للقصيده دورفي وقف العدائيه=وبأسعى في صلاح الناس دام النفس مقدوره
أبأسجد وأدعي الله لايخيب خطتي ذيه=ومنه النصر ياتي خطتي وتكون منصوره
ترى الشاعر عليه أحمال في عاتقه مرميه=وكم من شاعرن حل القضايا دوم مشهوره
وأنا مرضى لشعري تنوجد فيه إنهزاميه=أبأصدح باالشعر مادامني جبار لأكسوره
بأبين للحقيقه لو تبي مني فدائيه=ولابترك مجال الا بشعري لأزم أزوره
وإذا في يوم شعري صابته هزات شعريه=أبأصعد به كما نجمن تعلى باالسماء نوره
على كثر البيوت اللي معانيها خياليه=أبا خلي بيوتي في حدود الدين محصوره