[حرف وشعر]

جلجلت سود الفتن فى المعمعه=واكتست ثوب البلايا والعلل
طارت بكل اتجاة (ن) مسرعه=مايعوقها محال ولاحول
بعد ماطاحت من اوجوه اقنعه=كشرت بأنيابها ام الحيل
وبعد ماذلت وجوة(ن) مفزعه= مثل ماذلت منات(ن) مع هبل
فى زمان(ن) كلنا صار امعه=ماسلم منا بعير ولا جمل
عددّ اعداد العدد ثم اجمعه=ثم شيل النصف من ذاك الدغل
واعطنى رجّال من اصل 4=وارسل الباقى الى كوكب زحل
دنيت الانسان ماهى للدعه=والبلاده والرباده والكسل
دنيتك ربى جعلها منفعه=فأغتنمها بالنشاط وبالعمل
واتبّع دين(ن) لنا قد شرعه=خالق الابراج من جدى وحمل
وانتهج منهج نبى(ن) متعه=بالنظام اللى من البارى كمل
لعنة البارى على من شنعه=واستباحه بالنقايص والخلل
بشره منى بساعة مصرعه= بالخزى والعار والخطب الجلل
قادر(ن) ربى قريب(ن) يقمعه=ربنا يمهل ولاكن ماهمل
عزنا فى الدين والدنيا معه= احمد المختار ذو القدر الأجل
كنا فى راس الجبل ياصعصعه=وانحدرنا تحت محدار الجبل
حالنا ياصاحبى ما اشنعه=لافكاك ولا مناص ولا حول
حالنا من حال ام الضفدعه=فى مكانك سر راوح وانتقل
كيف يوصل من تكعكع كعكعه؟=احول (ن) ويقود له شخص(ن)حول
وكيف يفصح من تكلم تعتعه؟=وكيف يسبح من يخاف أمن البلل؟
1000 كيف (ن) مالهن حل اسمعه=و1000 كيف(ن) من يجاوب من سأل؟
حيرتنى (كيف) انا يابلتعه=مالها حل(ن) قريب(ن) محتمل
والامل فى ربنا مانقطعه= والفرج ياتى بعد طول الامل
ثم صلى الله على من شفعه= ربنا الرحمن فى خير الملل