اوقاااااتكم كااااااااااااااااااااااااااااا اااااادي
لكم قبلها الحب والتقدير
ولي ان احلم برضاااكم
يا هوالبال عيني ساهره ماتنام = كلّ ليله على ذا الحال مابه جديد
كل ما قلت نامي فزّ طيفك وقام = قام يرسمك فيني وانت عني بعيد
وانتشي وآتحدّى فيك طول الظلام = وان سألني تعبت اقول هل من مزيد
يحسب ان الغلا اللي لك بقلبي كلام = ما درى انّك إلين اللحين نبض الوريد
مادرى عن خفوق(ن) بك تعلّق وهام = إنت سلطان عرشه والمشاعر عبيد
والله انك معي في كل شي والسلام = وان طيفك يسيرني على مايريد
والّا انا وش بقالي غير جلد وعظام = وليت كثر التوجد في غيابك يفيد
خاف ربك بروحي ذبح روحي حرام = وان نويت اعتبرني في غرامك شهيد
ماعلى من يحبك لو ذبحته ملام = الملامه على قلب(ن) بصدرك بليد
كل ما قلت هيّا لبّ صوت الغرام = قال باكر وباكر صار وعده وعيد