يامهات الروض عندي لك رساله=سجليها للزمن باقصى الخفـوق
في نظام الحب مافيـه استحالـه=دام فيه اثنين عاشق ومعشـوق
تحت سقف الحب عاشو في ظلاله=في مشاعر بعض يرفون الفتـوق
لايغرك وجد شاعـر فـي مقالـه=واجد الشعار واغلبهـم سـروق
فيهم اللي يكتب الشعـر بجزالـه=وفيهم اللي يشتري نظم الطـروق
اصلا انتي حسنك الطاغي لحالـه=يستميل الوصف له من كل بـوق
اسالينـي كـان ودك بالاطـالـه=قولي اش معنى انا عندي فـروق
انتي اجمل من تغشانـي جمالـه=وانتي اجمل مارأت عين مخلـوق
ماحدٍ غيرك سلب عقلـي دلالـه=ولاحدٍ غيرك حوى من كـل ذوق
فيك معنى الزين كلـه والاصالـه=كل شـيٍ فيـك لعيونـي يـروق
وكان قلبك ذل قلبي في وصالـه=شلت حبك لو جرى وسط العروق
عقب ماكنتي غلاه اثمـن حلالـه=يمكن تكونيـن ذكـرى للحـروق
كنك انتي بس في غرب وشمالـه=كنك انتي في جنوبـه والشـروق
واجد الحلـوات ياشبـه الغزالـه=بس انا في وصلهن ماني شفوق
اعرف دروب الشرف مابي جهاله=واعرف اشلون الوفا لاهل الحقوق
اعشق اهل الطيب راعين الشكاله=واحشم اللي في رضا ربه سبوق
اطرب لشوف الجمال بكل حالـه=واعشق القمراء وافز مع البروق
اكره دروب المعاصـي والظلالـه=واكره الكذاب والنـذل السـروق
هكـذا طبعـي ولاحـب النذالـه=النذاله ماتجـي باحـدٍ صـدوق
اعبـد الله واحمـده رب الجلالـه=وان بغيت الصعب عندي مايعوق
واضح مبداي وانتي فيـك حالـه=ماتعرفين النجـاه مـن الغـروق
اسمعينـي كـان ودك بالجمالـه=مايصون الحب من ينوي يبـوق
من يعيب الناس مايرفى خمالـه=كل واحد به عيوب وبـه طقـوق
تمـت اوسـف اذا فيهـا اطالـه=قلت يمكن لاقرت تهـدا وتـروق