[داعي الشوق]

عسى العوض فيك يا نفحات حساسه = و الله يعّوضك خير و يبعد أحزانك
انا ادري انك من اللي صار محتاسه = واللي سمع بالخبر ضايق على شانك
لو كل مفقود نحسب له بمقياسه = عشنا و شفنا و ترجح كفة اوزانك
مادامت النفس جوهرها و الماسه = ما به حسايف عساه بصحة ابدانك
الورد لو يشتكي من سارق انفاسه = ما كان شفنا شذاه بوسط بستانك
و الدار لو محتمي بحماية حراسه = و امنّتي اقفاله بمفتاح بيبانك
ولله ما يمنع المكتوب قرطاسه = من والي العرش ما يجهل به ايمانك
و دام السلامه بسهم المال هي راسه = الحمدلله على ما قدّم و عانك
دنيا غريبه تريد الصبر و سياسه = الله يساعدك يا بعيده عن اوطانك