اخواني اعضاء منتدى الفطاحلة الكرام اقدم لكم هذه القصيدة وارجو ان تحوز على رضاكم .
ان ما نفعني صاحبي في الملمات=ماني مدور نفعته بعد ماموت
ماودي اللي صحبته لاجل غايات=والى انتهت غاياتها شاتها شوت
اللي يخيب رجوتي عند الازمات=ويكثر علي اعذارها بعد ماتفوت
هذاك عند اسمه نحط العلامات=ونقول له ياصاحبي مالك اكروت
انا رفيق اللي نواياه حسنات=اللي على وضع النقا مابها لفوت
راع العلوم الطيبة والجزيلات=ماهو بخبل ضايع الراي هلفوت
والا الردي لونه رقى في الطويلات=ماينفعه منصب ولا كشخة بشوت
الاصل يبقى والتطبع متاهات=ومن تاه عن درب الهدى عاش مكبوت
وختامها افضل سلام وصلوات=على النبي ماداج وسط البحر حوت