[داعي الشوق]

يا ذا الزمان اللي تزايد صراعه = شكيت لك حالى و تشكي عليّه
تشكي من اللي مهتوي للّكاعه = اللي يحوم الليل مثل السريه
كـنـّه على ختل الهوى به طماعه = عينه تروغ بكل روحه و جيه
يقفي و يقبل كن عنده بضاعه = في سوق ما يشري بضاعه رديه
وما منه مردودٍ ولا استطاعه = له مدةٍ ما قـــدّم ادنـــاة شيـه
غير الكلام اللي ولفنا سماعه = لامن حضر راع الخدود الطريه
علي دروب اللوم ياطول باعه = و يا قصر يومك يالنفوس البريه
اتعبت حالك كل ليله و ساعه = و يا طول ليلك يالعيون الشقيه
ولله لوعندي مجال انتزاعه = لا احط من دونه حدودٍ قويه
المركب اللي يقتدي به شراعه = يا هيه له بالطيب عز و حميه
ربانه محنك و نفسه شجاعه = ولا يرسي الا في البحور النقيه