غرد القمري الصداح واشجى الطيور = يوم ونيت من صدري لذات الخمار
يالغزال الجفول الي ملكتي الشعور = لاتغيبي بدونك مال فكري قرار
بوح روحك دوى مادري الدوى منك طور=والشذى خذ من انفاسك للاسعاد كار
نورك البدر والا البدر خذ منك نور=والوجن لو لمسها الورد مره يغار
منْك للحور تاج وللنسايم عطور = فيك برد الشتاء والصيف جاء منك حار
صوتك الناي اوهو الناي خذ منك دور=والشفايف عسل مدرى العسل منك شار
انتِ من يلهم العطار صنع العطور = منك في لوحة الرسام لون المحار
انتِ من غوّص الشعار كل البحور = من سمع نغمة احروفك سكن فيه زار
نفحة الطيب من طيبك تسمى بخور=والخزامى على قطر الندى منك ثار
الفرح منك يسري لين عم السرور=وان تكدر بها صدرك يصير انفجار
فيك روعة جمال الزهر حول القصور=وانتِ في عالم الذره بك الانشطار
انتي الحب ماتكفيك كل السطور = لو كتبتك نغم غنوك من غير طار
الجمال انت والا الحسن جاء منك جور=من عيون الحسد ياشهد جعلك مجار