[ابومياس]

مع عصافير الصباح

ابعثها لكم

وكل عام وانتم بخير وعيدكم مبارك

0

0

0

0

قال خايف قلت ماحولك ذيابه = وانت ذيب الليل لاخوفٍ عليه
آه ياوقت الرخى صارت نهابه= كيف ساد الخوف في هذي الوجيه
انتهت ايامنا في وسط غابه= القوي له سطوةٍ محدن قويه
والضعيّف صار مطروحٍ جنابه= وكل من حوله ينادونه سفيه
والكريم اللي فتح للناس بابه= كان ماله قل كلٍ يزدريه
والبخيل ان كان ديناره زهابه= في عيون الناس كلٍ يحتويه
الوجيه كثار والعالم تشابه= ابحثوا لي كان بالنيه شبيه
فوق راسي (طرش والبحار) جابه= والحرامي بشرعنا اصبح نزيه
من سرق مليون قلنا ياهلابه= ومن سرق دينار نلعن والديه
بالوساطه صارت الدنيا خرابه= ماحدٍ بالحق حصل مايبيه
جيل يغرق ماحدن منا درابه= والجريمة كل ساعة تحتريه
لاتلومونه اذا كون عصابه = وانت بايع له سلاحٍ ماتبيه
سوقنا ياسوقنا ينعق غرابه= رفعة الاسعار يالمسؤول ليه؟؟
في نظام السوق ياسوق الغرابه= ماوجدنا شخص والذمه لديه
بهالزمن مافيه خوف من الذيابه= كل خوف القلب من حصني كريه

لكم تحياتي

اخوكم