الهدف راس قمه قل تعدى الحـدود
والـدروب الصعيبـه دايـم أيدلهـا
العزوم القوية مـا تخـاف السنـود
تعتلـي وان بغـت قمـه فتحتلهـا
ويا فهد من سألك فقله الحـال قـود
والنفوس الضعيفه يـا فهـد قلهـا
قلها ان الضعيف اللي يخون العهود
ماألتفت لـه وكـل أعلومـه ازلهـا
وقلها أني أعرف ألاش ما منـه زود
وقلهـا أن الهلايـم ربـك يذلـهـا
وقلها اني عرفت وفيه ناسِِ شهـود
أن من جابهـا فـي جيبـه يشلهـا
واعرف أن الزمن به حاسدِِ ومحسود
وباقـي السالفـة مـا ودي أفلهـا
فياهواجيس فكري لا تبيح السـدود
يوم شفت السوالف مختلـف دلهـا
السوالف كثيرة بين بيـضِِ وسـود
اعشـق الطيبـة والهزلـة أزلهـا
مهدي الحبابي ...
صح السانك يالقرم ولاهنت ..
تحيتي لك / مشاعر حالمه..