المعذره على التأخير
كبورديه جديده وارجوا ان تحوز على رضاكم واستحسانكم
بيض الله وجه سود الليالـي والظـروف= والشدايـد جعـل ربـي يجمـل حالهـا
جمـل الله حالهـا مالكتنـي بمعـروف= بينت لي وضع الأيـام كيـف أحوالهـا
وأكشفت لي جملة ناقصه بعض الحروف= والحروف الناقصه ما يعـوض ابدالهـا
والتعب في بعض الأحيان ما هو بمخلوف= انشـد اللـي عـارف فالهـا واعقالهـا
وانشد اللي عاشها بين أمان وبين خوف= صاحـب الخبـره بعـد قصـةِِ يرثالهـا
قصةِِ فيها المقاديـر عجـلات النكـوف= وباختلاف أرواتهـا كـل واحـد قالهـا
صارت القصة تناقلها الأهوى والشفوف= والحقائـق واضحـه يعشقـون أوالهـا
غيروا وجه الحقيقة وترتيب الصفـوف= وأغلقوا باب النقاش ونـووا بإهمالهـا
وبعد تغيير الحقأيق رموهـا بالرفـوف= وقالوا أن تقصيرها خيـر مـن طوالهـا
ذي حقيقة ثابته خبر اللي مـا يشـوف= شرهة إركاب المحامـل علـى جمالهـا
كان طافت لأولي هذي والله مـا تطـوف= فرحة المشتـاق ياويـل مـن يغتالهـا
بعدها ياحرف الإبداع لاتطري الوقـوف= قدم الجزلات واحـرص تجـي ببدالهـا
خابرك وافي وتشقى بما يرضـي للـوف= وكـل كلمـه جبتهـا جاهـزِِ معدالهـا
ان تكلمنا حكـم وان وصفنـا للهنـوف= اشتقي في وصف بنـتِِ عريـبِِ خالهـا
وصفها والكامل الله مكملـة الوصـوف= موجزِِ عـن وصفهـا طيـب الله فالهـا
انشري يا المختلف وانشريها يا قطـوف= وان تعذر نشرهـا مـا نعيـد إرسالهـا