وش ذنب هالناس دون إحساس تشغلهم =وِتحط بفؤاد كل مـن يعشقـك حسـره
ماتـدري إنـك بصـدك دوم تزعلهـم =كم قلب عاشق تسببت أنت في كسـره
جيت أشتكي منك ظلمك لانـي أولهـم =واقدم سجين إلجمالك عائـش إبأسـره
الله من طرفـك النعسـان لـي سلهـم =أتوه مـدري يمينـي ويـن واليسـره
وأنسى همومٍ كثيـره كنـت شايلهـم =وآ حس باليسر بعد الضيق والعُسـره
لعيونـك السُـود شكـرا يامكحلـهـم =أشوف فيهـا حـلات العالـم إبأسـره
أسألـك بالله تسمـح لـي تأملـهـم =وآ مـد بينـي وبينـك للغـلا جسـره
وإن كنت تخشى من الحساد وحْ يلهـم =زين أعتبرني معك واحد مـن الأُسـره
يانبض قلبـي ويابعـد المـلا كلـ هـم =أخسر بك الناس إلاّ أنـت ماخـسـ ـره