هب النسيم وزايد القول كاويه=وأهتز قلب ٍ في ضميري مقره
مانيب ندمان ٍ ولو كنت هاويه=لكن حقيقة عصرنا اليوم مُره
حقيقة ٍ ماهي على الخير تاويه=تبكي على ماصار منه وتِشــرّه
درب الأمل يابنت غصب ٍ وأخاويه=أمشيه حتى لو خفوقي تشّره
من يومها والقلب حيه مكاويه=أحسّها باليوم ألفين مره
سألتها والقلب تكثر حكاويه=لقيتها فبعض الملاقى تِكــرّه
وحسيت أنا فالقلب سِبة مساويه=وحسيت في داخل فؤادي بحرّه
نسيتها والقلب ماأقدر أداويه=ودعتها واطلب من الله المسره
اللي ذبحني من الحلا ماأقاويه=ولا ظروفه عن وصالي تِجُــره
مصيرها أيامه ترده وأراويه=وأسقيه نفس الكاس ويذوق مُره