السهره اللي عندكم ما تملي =ياليتني يا خال دايم قبالك
وتطرح قضيه صعبتن ماتحلي = واحلها وتقول هاتي سؤالك
واقول لك خل القضايا تولي =هات القصيد اللي يداعب خيالك
أبيك تكتب كل شئ(ن) يسلي = أبيك تنظمها على مابدا لك
وأبسكن بشريان قلبك وأخلي = حبل المشااعر متصل مع حبالك
وأسري مع أشواقي لكم وأستدلي = في لهفة الخاطر وفي طيب بالك
جيتك ودمعي من عيوني يهلي = والحزن معشب في جميع المسالك
أخفيه ولساني أبد ما يزلي = لين أصبح لقافي زعيم(ن) ومالك
ياخال وإن جتني رسايلك أهلي = من نورها نزدان والليل حالك
ولو غاب مرسول الغلا من محلي = أنشهد إن القلب لا شك هالك