[سعد الشقحاء]

تعذرت بالظروف وقلت بعذرها=اقدر أظروفها وضغط على حالي
وصبر على غيبته والنفس أصبرها=مير البلاء كان صبري طول وطالي
نيران شوقي تسامرني وسامرها=وحاول اسلى ولكن ماني بسالي
النفس مسحورتن والزين ساحرها=وما غيره احدن يجي ويروح في بالي
منازله في صميم القلب عامرها=تبقى بقلبي طوال العمر منزالي
والحب طبع القلوب وكل خابرها=معروف عند البشر من اول وتالي
محدن على الحب ناهيها وجابرها=وما صدق اللي قدر لو كان لي قالي
سبحان ربن عليمن في سرايرها=يغير احوالها من حال لا حالي
والا البنادم لزوم انه يسايرها=ويصبر على حكمها في كل الاحوالي