السلام عليكم ورحمة الله وبركاته
الحفظ
إذا ما الحرف لك ينساق في اعذب مطاليقه=وش الي يجبره ينساق يم غيرك بكرّاته
تنفّس منك ريح الورد والكادي بتنْشـــــيقه=وحورف كل اشعارة من الثورة لزهراته
هدمتي صرح صيحاته قبل تبدى توافــيقه=وتخلّى عن جميع اسباب ثوراته بفرّاته
لك الله لك اصاغ حروف حوراته بتوهيقـــه=توهق في غلاك وقام يكتبلك بـــحرّاته
اجل ماشفتي كيف انّه تعلق في مشانيقه=بحبل الحورا قد طوّق خناقه يوم سرّاته
لاجل عينك عهد نفسه قبل يبدى غوابيقه=بكل يوم(ن)يجيلك شايل احروفه بنعراته
دعاوي شوق لك مع ود في اعذب مشافيقه=مهي بنعرات فريْسن خلاص انهى قراراته
يعذب قلبي وتصرخ سوادة قلبي تزعيقه=جفولك عن دروب الشوق ماجيتي ممرّاته
امانه كان لك قلب(ن)رهيف(ن)في مصافيقه=تردي حرفي بحرف(ن) يطفي عنْه حرّاته
لك ارتج الخفوق اليوم وباكر في معاليقه=وامس(ن)لك صرخ ثاير ودودن لك بجرّاته
يطوقني غلا المجهول والمجمول في ضيقه=واصفصفله من الابيات خمْسن في مزاراتــه
اذا انك ماعرفتيني فيكفي منك تصفيقه=على حرفي يكفيني شهادة عن مهاراته
وكل يومن بجيك بخمس لاني ما اعرف الضيقه=واذا حرفي فلت مني بتلّه يم نحراته
بكل صبح(ن)يتل القلب خمس(ن) من سراديقه=من اقصاه البعيد يتلّها لك في مساراته
وربي لو كشف قلبي عن الخافي بصناديقه=صرختي باكية يكفي ولا كفّى عباراته
يحب حرفك يحب عزّتك ولك اعطى مواثيقه=على بوحك رسم بوحه وتخلّى عن مثاراته
رفيع(ن) ماجد(ن) لاصب حبّه من اباريقه=زلال(ن) ما اختلط بالخون ويسكب لك من افراته
ولا منّه نزل للارض في غضبه بتدنيقه=تزلزل له نجد وحجاز كلّن هاب غاراته
صميدع بن صميدع بن صميدع في معاريقه=ونجمه ماطمن الا لربه في مداراته
لك الله لو يبي كنوز الوطن جت له مسابيقه=تجيله خاضعه باول زياره في سفاراته
ولكن حاجز العزّة يرده عن طرابيقه=لك الله ياعيون الريم ليث(ن) في جساراته
الا كم من كبار الروس في رجوى طواريقه=تجيله من مراسيل الكبار وهو بغمراته
ولكن يوم حليتي على صحصح اواريقه=تشبّع بالسرور وقام ايطاول في عماراته
بجيلك لين حرفي يبل من حروفك يبل ريقه=تهدّينه برد(ن) منك وافي في مجاراته
ياأطهر من حمام البيت ياشرح من طوابيقه=يا أروع من نظم حرف(ن)بساح النت وحاراته
لك انساقت حروفي شوق تغريبه وتشريقه=وحلّت في مرابيع الغلا لك مثل جاراته
اصلي الخمس وبي قلبي تلهّف في سوابيقه=يطير يطير ويرده سبوقه في مراراته
عذابي ياعذابي القلب اسيرن لك بتعليقه=تعلّق بالغلا ثم قام يصرخ في صراراته
نويت الي نويته والولي رازق مخاليقه=بغلاك احيا ولو قلبي رهن وقته بباراته
الا ياعذبتن ردّي على حرفي بما يليقه=والا فاعلمي بان الفتى مسرف بمرّاته
همست لنجد من غيمه وقلبي في تحاليقه=كما طيرن شهق بالجو وحوّل في دباراته
ونام القلب في تلّه ولا يبغى حدى يفيقه=دعوه ابغفلته راضي على القمّه لحوراته
يتوه الفكر ويدلّه على دربه سواويقه=يسوقه قلبي وشوقي الى نجدك بقمراته
يا أروع من سكن قلبي قبل شوفي نماريقه=فلا لغيرك زهى واعشب واربى لك بثمْراته
عناقيد الغلا منّه تدلّت لك بتوريقه=لك اثمر بالعنب والتوت ولك يغدق بتمراته
تحسبين انني مثل الذي تحثّه طوافيقه=وكل يوم(ن) يدز ابيات مرساله لغرّاته
لك الماضي ولك الحاضر وكل مابيه تدقيقه=فلا لغيرك كتبت الخط شوق(ن) في حراراته
وربي مابعثت الحرف يالدرّه ولا اسيقه=على غيرك يشوم يشوم يكفخ من مطاراته
ولكن لك يفز يفز يم عالي شواهيقه=وثم ينزل بجزلات المعاني لك بكرّاته
لانّك اشرف من البيت واشرح من طوابيقه=يا اروع من نظم حرفن بساح النت وحاراته