[حرف وشعر]

بستان خـدك تـاه بأزهـار=زهر الخزيمـا ويـا قرنفـل
نرجس وفل وطيـب جلنـار=مع ياسمين وفـوع صنـدل
وريح الصبي لي هب سمـار=يخجل ويخضـع لـك مذلـل
وشمس الضحي تخجل ولقمار=من خد لـك والبـدر يخجـل
وجبين لك ياضـي بالنـوار=نوره علي نور البـدر جـل
وروضن تداعت فيه لثمـار=لاتيـن لاخـوخ وسفرجـل
وأعيان لك دعج لهـب نـار=يدعن ثقيـل العقـل مختـل
ومن سحر بابل الف معشـار=قد شل رمشك حين ما شـل
نهـلا ولا بابـل ولاصحـار=كل السحر في طرفكـم حـل
ومجدلـك بالطيـب غـمـار=أسود شـرات الليـل كلكـل
فيك الحلا مـن كـل مقـدار=دلن علـي دلـن علـي دل
وخصرك هضيمن زم لفتـار=خوفي علي الخصرين ينحـل
وارداف لـك أرداف لمهـار=غض الصبي لـي ماترهـل
ماجوز انا لو صار ماصـار=عنك وكيـف أيجـوز معتـل
يامنيتـي ياضبيـة الــدار=يـادار قلبـي ويـن ماحـل
والله لـولا اللـوم يـنـذار=وأراقب الرمـاس لـي شـل
لوصلك انا والشوق مسيـار=وينـال قلبـي بعـد مامـل
من مبسمك يازمـزم الـدار=عذب اللمي عن كـل منهـل
هو مرشفي عن كل مـدرار=تشفي به أجروح المعطـل
لكـن درب الوصـل غيـار=ياكم غيـري شافـه وضـل
وسيف الهوي في كف جبار=دلهـن غشيمـن ماتجـمـل
يسهرك يوم النجـم سمـار=ويشغلك به عن كـل مشغـل