مراح وريحـة القهـوه=وصوت النجر والمحماس
وربعـن كلهـم عـزوه=عريبين الاصل والساس
هل الصولات والنخـوه=وهم في الكايده نبـراس
ومعطـان علـي ربـوه=يطله بـارد النسنـاس
ومقناص علـي صهـوه=جواد عنتـري البـاس
وطيرن هايـل السطـوه=وحر شامـخ جرنـاس
وكلـن يدلـي بـدلـوه=ذا فـارس وذا قـواس
وذا شاعر من الصفـوه=يجيب احروفها بقيـاس
وعلـم للبـدو سـلـوه=يسلي خاطر الهوجـاس
عشقنا والعشـق بلـوه=وحسنا والهوي حـواس
هوينـا ضبيـة الخلـوه=باب من وراء متـراس
غزال م العـرب نقـوه=زبرجد يحتويه المـاس
وجـوده جنتـي سلـوه=معـاذ الله م الوسـواس
يمنينـي علـي حـروه=شبيه الـدر والالمـاس
ويخلف للوصـل هقـوه=وانا له ساهر عسـاس
اراقب هزعـة الخطـوه=وانا بين الرجاء والياس
كني مـن قتـل عنـوه=اكليب وتبعـه جسـاس