بداية كلامي اذكر اسـم الله الرحمـن=واصلي على المبعوث للنـاس ينذرهـا
بهذا اليوم يوم العز نحيي ذكر جـدان=بذكر مسس الديره وقايـد اكابرهـا
ظهر مثل نجم سهيل لاشافته الاعيـان=ومثل وسمـيٍ سيلـه يبـدل مغبرهـا
ملكها بحد السيف ومقارعـة غلمـان=وكل الفتن ماتت بعـد قطـع دابرهـا
ومشّاها بتدبيرالولي لـه الـى الأمـان=يعيش بحماها ابيض القـوم واسمرهـا
وحكم في القبايل حكم بشريعة الرحمَن=على العز والناموس تسمـو مفاخرهـا
وجاء بعده رجال حشاها من النقصـان=على مارسم جاسم ومن ماي صابرهـا
الايابومشعل قودهـا قـودة الفرسـان=لمهارٍ اصيله وانت فـارس وخابرهـا
الى العز والناموس والمجد ياكحيـلان=تقدم بنا صـوب المعالـي وسطِرهـا
وجدد دروب الي رحل ياعريب الشان=تنافس علـى القمـه بمقـدم اباطرهـا
تقـدم بهـا لمفاخـرة باقـي البلـدان=مثل درة فـوق الثريـا نناظرهـا
يموت الحسود بغيض لاشاف بالأعيان=تقدم بلدنـا ونفتخـر فـي مظاهرهـا
الى المجد من فوق الثريا لهـا مكـان=تنافس مقدمة الـدول فـي محاورهـا
لك الشرق مع الغرب يشهد وهذا كـان=لرفعـة بلدنـا كـم بلاديـن زايرهـا
على الوجه الابيض قدتها والكريم معان=الين ارتقت في علّمها مـع عمايرهـا
وتميمٍ عضيدك على عسرالزمن وان زان=ولي العهد وافي الوعد فـي منابرهـا
الاقال اوفى والعدو في الجحيم مهـان=على خطوتك يمشي ولاهـو يغايرهـا
عسى الله يديمك ياحمد ياذخر الوطـان=وعسى فالك الناموس في كل دايرهـا
وختاما مثل ماقلت في مقـدم القيفـان=اصلي على المبعوث للنـاس ينذرهـا