اخواني اعضاء منتدى الفطاحلة اقدم لكم هذه القصيدة بعنوان ( يارب تقبل توبتي ) ارجو ان تحوز على رضاكم
يالله ياعالم بما اخفيت واعلنت=يا عالم سري وخافي كنيني
احمدك سبحانك على ما تكرمت=بفضلك عليه يا اكرم الاكرميني
امنت بك ربي وبمحمد امنت=ورضيت بالاسلام منهج وديني
استغفرك يالله عن كل ماذنبت=اغفر ذنوبا تعجز المحصييني
يارب تقبل توبتي يوم لك تبت=ياقابل التوبة من التايبيني
بعفوك وغفرانك ورحمتك املت=يارب تهديني طريق اليقيني
رضيت بمقسومك الهي ويقنت=ان اللي مكتوب عندك يجيني
هذا وان اللي من زماني تعلمت=ان الليالي بين قاسي وليني
ان اسعدتني يوم والا تكدرت=ما خفت من الدنيا ولاني حزيني
مادمت في درب الهدى ما تغيرت=الله على سود الليالي يعيني
يوم اتذكر ما مضى لي وقدمت=يا سرعها تمضي ليالي سنيني
والله كنه يوم لوني تذكرت=عمرا مضالي بغفلة الغافليني
يارب جنبني هل الذم والشمت=يالله لا تشمت بنا الشامتيني
واحفظ لساني من الخطا لا تكلمت=ما يلفظ لساني له كاتبيني
بعض الكلام افضل منه لزمت الصمت=ان كان ما يصدع بحق مبيني