عزمت لي ربعن على غير ميعاد=تالي الشهر والجيب نافض غباره
قالو تمام ورحت للبيت منقاد= ابي الستيره والكرم والشطاره
قلت افزعو قالو هلا سم وش عاد=آمر وتلقى لك على الطيب شاره
هات المقاضي واجتهد وانس الاجهاد=وابشر ببيض الوجه زايد مهاره
هات الإدام اللي يكوّم على الزاد=هات اللحم هات الدجاج وبهاره
فزعت للمسلخ واناقرم الاولاد=واخترت من زين اللحوم وفقاره
قلت اطلب المبلغ وانا اليوم نقّاد=دراهمي في الجيب ماهيب اعاره
قال ادفع ادفع مامعك واطلب اسناد=دراهمك ذي من حساب البراره
بالكاد يصفي لك عظم بس بالكاد=ركبة بعير ومعلفه في غضاره
يوم انلفع وجهي وصديت مافاد=وجهي من الفشله تساقط وقاره
عديتها واقفيت والهم بي زاد=قلت الدجاج إيدام طعم ونظاره
ميّلت للهندي واناقول يااستاد=كوده يجاملني بطيب العباره
عصّب وناظرني يقول انت استاد=انتانفر مسكين شغّال اداره
بس انتظار آخر شهر حق ميعاد=راتب يجي مافيه يعرف تجاره
هذادجاج الحين جامد وبراد=غالي كثير اشلون يبغى خساره
مشيتها مرقوق لله ماراد=تالي طحينٍ عندنا به كداره