السلام عليكم ورحمة الله وبركاته
القصيده نشرت باسم { انتهينا } ولكن لوجود قصيدة لي هنا في قسم الهمس بعنوان ( النهاية) رغبت في التعديل .
يعني لو مرّه على الفرقا نويت
يصبح اللي بيننا كلّه عداااااااااام
أذكر انّي قلتهـا لـك مانسيـت = انتهينـا قلتهـا لـك قبـل عـام
قلتها من غير قصـد ومادريـت = جابها الشيطان في لحظة خصام
واكتشفت اني أنا بـس انتهيـت = وانت ماصدّقت فيهـا والسـلام
غبت عن عيني وانا فيك انتخيت = ومت من خوفي ولا منك اهتمـام
مادريت اني على نفسي جنيـت = شوفني من يومها كومـة حطـام
لا بغيت القـاك فينـي مالقيـت = غير هم وغم وجروح(ن) عظام
منك حالي صار للأحزان بيـت = ومنك نظراتي غدا فيها انهـزام
وما بقالي غير جسم(ن) لا مشيت = كل من شافه يتمتـم يـا حـرام
حسبك الله ليه؟ في قلبي رضيت = وانت علّمتـه بدايـات الغـرام
ليه ؟ تهدم ياحبيبـي مـا بنيـت = ليه تترك قلب في دنيـاك هـام
ليه يا روحي على روحي قسيـت = وليه أنا حظي معك مايـوم قـام
كثر ماضحيت شفنـي ماخذيـت = من سنين محبتك غير الكـلاااااام