[نجم الإبداع]

هتان في ليل الهوى صافح النور=والشمس من خلف اللثام اشرقت لي
سالت نجوم الكون بعيونك الحور=والليل من شعرك خدوده حكت لي
من ذاق نبعك بات لاشك مخمور=عنْكْ المسافات البعاد انطوت لي
البدر لو لامس جبينك شكى الجور=والزهره من حسنك بخفيْه بدت لي
انتي ملاك وباقي الغيد بالدور = تاج الجمال انتي ولوعه سرت لي
الورد من وجناتك الحمر مقهور =والثلج من لمسة كفوفك خفْت لي
لالامس انفاسك هوى يقلب عطور=والبحر من مرجان عينه شكت لي
لو تنثري شالك غدى الصخر بلور=ولو شافتِك بلقيس غِيِره بكت لي
الغيم يمطر وبل لاجلك ومذعور=والبرق ومضه من ثنايا ابرقت لي
من همسك انغام الهوى كنها طيور=سهم العيون الموت يوم اشرّت لي
كني معك في جنة الحب عصفور=تحته غصونك بالغرام انثنت لي
جيتك ولو ماجيت ماني بمعذور=شوفك دوى ومفارقك موت ختْلي
انا هويتك والهوى مابه الشور =وشْب المشاعر منك جور اوقفت لي
من نار شكك ثار بي وعد بلفور=لاتقتليني مايحل إلْك قتلي