[عبدالله الشويمان]

المشاركة الأصلية كتبت بواسطة سعيد عوده الحويطي

السادة اعضاء منتدى الفطاحلة الكرام
يسرني مشاركتكم بهذه الابيات المتواضعة والتي كتبتها بمناسبة حلول هجرة الطيور الى بلادنا الغالية وما تواجهه من صيد جائر وعندما رايت بعض الشباب يستعرضون صور صيدهم على صفحات النت ويتصورون معها يجميع الاحجام والاشكال وكأن الامر تفاخر وليس صيدا ارجو ان تحوز على رضاكم .

يا طير الى مريت بارض الجزيره=احذر توقَع عندنا وانت رحَال
الطير لنَه مرَنا ما نجيره=تقضي عليه قنوصنا ذبح من جال
ما فرقو بين الكبير وصغيره=ولا سالم موقَع ولا طاير اجوال
كل مجَهز له سلاح وذخيره=والعلم متوزع بنت وجوال
ماكنه الا غزو يصرخ نذيره=وكل يدور له مع القوم مدخال
والفايز اللي ناجح بتصاويره=مع صيده اللي جمعه خوش رجال
في صفحة المكشات حيله كبيره=مهايط غرُوه بالمدح جهَال
ويا كثر من هو قلَده في مسيره=ماهمَه الا تنضرب فيه الامثال
والمشكلة ياهل العقول البصيره=ان القضية ودها اليوم حلال
لان القنص خلوه مهنه خطيره=من بعد ماهو فخرنا عبر الاجيال
الامر لله يا تراث الجزيره=ان كان جهال العرب دون عقال

صح السانك يا اخ سعيد

قصيده قمة..وجزله مبنى ومعنى..الله يعطيك العافيه..

مير الطير لو ما وقع بالجزيره لحقوه..وراه وراه..

القوانيص ..ذاقو لحوم الطيور ونغلثوا..لا تلومهم.

صح السانك مره اخرى..

مع اطيب تحيه