الوقت متعبني وانا منه تعبان = والقلب من حظ الشقا ما استراحي
ما فاد به عذري ولا دمع الاعيان = ولا عرف قدري و لا اطلق سراحي
اشقيت في حالي علي كل الاحيان = ولا ذقت بالدنيا كثير انشراحي
كل ما انفتح بيبان تنصك بيبان = يا وين ابلقا راحتي و ارتياحي
صدر القصايد من مشاكيه مليان = يرخي لها ومن هول ما فيه فاحي
مجهد علي روحي و كله على شان = من لحظة الافراح نجني رباحي
يا حيلة الشاكي على درب الاحزان = متمكنٍ فيه الألم و الجراحي
يرسم تفاصيل الحزن قلب حيران = على ملامح جدها و المزاحي
عسى الذي من حاله ازداد نقصان = يروف به من عاث به و استباحي
و عسى نهار السعد وايامه تبان = وليل العنا يجلاه نور الصباحي*