بدون مقدمات ..
والمحبة هي العنوان لكل الفطاحل ،،
يا قلبى ياللى هايم بكل هوجاس = عنيت حالى بالسهر و التفاكير
كل مابغيت اسايره زاد وانحاس = أثرّ على حالى بزود التعاكير
اسرح معه مجبور والناس جلاس = كنى موكل حضرته بالمشاوير
مدرى علامه صاير مثل درباس = اللى مضيع صيدته فالمعاصير
بنصا ولد بدران من بد ذا الناس = حيثة عزيز من الرجال المناعير
ارجوك يامحمد ترى الامر حساس = افزع لمن يشكى ضروف وتعازير
القلب منصاب وجاء فيه وسواس = ودارت على حالى كثير الدواوير
جالى على ذا الحال شهرين محتاس = حسبى على اللى غير الحال تغيير
خشف لمحته ماشى معه حراس = ينظر ويضحك لى بذيك التعابير
ساعة تعدى هزنى طيف نسناس = نسناس ورد وعود مسك ومباخير
قفّا و انا متعومسٍ عقبه اعماس = والحال محفوف بكثير المخاطير
ارجوك يامحمد ترى الوضع حساس = افزع لمن يشكى ضروف وتعازير