(((إمـــــــــرأة مـن صــــــــــخـر )))
إخواني وأخواتي
بعد غياب طال أمده
إليكم هذه المتواضعه
وأملي أن ترقى الى مستوى ذائقتكم
لأمر(ن) ما جدعت أنفي ولكن ماسْتوت خيـرات=نثرت الحَب أبي البيض واثْر الطيـر يسعـى لـه
وانا طبعي على الغالي مانيب مهيّـض الشكّـات=رفعـت المأذنـه للعشـق واثرْه فـوق هيّالـه
صحى عقلي من التغييب وسط كوم(ن) من النكبات=وانا اسْتجدي مطرها من نفيض(ن) كذّب اخْيالـه
تجزّلت ابْقرابينـي واخصّـه مـا بغيـت الـلات=ومـا للعـزّى ان تنفـع ولا ظللـنـي اظـلالـه
غديت اللّي يدوّر ماس ولا بيـده سـوا مسحـات=ولا يملك عصا موسى وعوق الحـظ يبـرى لـه
بغيته في صفا نيّـه عـن السـودا مـن النيّـات=وبغتنـي مقْفـل التفكيـر يهمّـه ميلـة عقـالـه
بغيته واحتي الغنّـاء وابكْسـر خاطـر الشمّـات=وبغتنـي خـارج اسْـواره ولا مفتـاح لقْفـالـه
بغيته والزمن قاسـي علـى اتْـوزّع الضحكـات=وبغتنـي ملتهـي بالقـاف يطوّقنـي بأغـلالـه
بغيتـه بالونـس تبعـد مفالـي هـادم الـلـذّات=وبغتني اموت ماذقـت الحيـاه وراخـي احوالـه
بغيت أصيـر دفترهـا تقلّـب فينـي الصفحـات=وبغتني مرجع(ن) لعْلاج كبوت النفـس وعْلالـه
بغيته مأمني وطهْري وظهري من قسـا النشبـات=وبغتني من ضمن سقط المتاع اللـي علـى بالـه
بغيت أصير يوسفها وتْجيني هيـت كـل اوقـات=وبغتني تسليـه للوقـت تشـد وترخـي احْبالـه
بغيت اصير حاتمها ال ظيفـي تسعـد اللحظـات=وبغتني محمد بـن الجهْـم تفـوّق فـوق محتالـه
بغيته عطري القادم مـن الجنـه بـه النشعـات=وبغتني ريحة الضربون الا اوْنـس ريـح قتّالـه
بغيته سقيا الرّحمـه واشوفـه زلّـت الرحمـات=وجتني عاصف(ن) صرصر بردْها جـود همّالـه
بغيته بسْلة(ن) بالحـب يصوّرهـا لنـا ابانـات=وصارت حبها مخصوص على منهم من اشكالـه
بغيتـه اتْسـوّي الجنّـه بقلبـي مثمـره جنّـات=وهي ابْفردوسها الأعلى تربّـع شاخـت إلحالـه
أبمشي فـي مناكبهـا واشـم الـورد والزهـرات=وابرتـع فـي معاشبهـا واردّد بــس مـوّالـه
نبيذ التوت صافي التين ابيها تْصير لـي شربـات=أبي عيني تكحّـل بـه ربيـع الوقـت ومْحالـه
بغيته في فضا عمـري وتنـزع عاتـي الآهـات=تـرد الـروح بعروقـن عناهـا حيـف شوّالـه
من الكوثر الى السندس مـرادي كامـل اللـذات=وصـارت علقـم وزقّـوم يافـال الله ولا فـالـه
ولقيت إني أعيش أحلام وصدق القول ذهب بسْكات=مركّب وجه في ظهّره يسولف لي عـن احْوالـه
|