لاباس ياقلبٌ شكى الهم لاباس=ما للهوى دكتور يلطف بحالك
هبت هبوب الشوق من بين الاقواس=يامالكن قلبي عسى الطيب فالك
جريت موالي ودقيت الاجراس=والقلب هلا بك وجوه صفا لك
لحن الهوى جرحه رسمته بقرطاس=منهو يداوي جرح قلبٌ عنا لك؟
همس الشفايف يالغضي فيه وناس=ياحلو منطوقك وزايد دلالك
اهواك من بين الخلايق والاجناس=واعشق سواليفك وهمسة خيالك
وان قلت زينك غير عن جملة الناس=يشهد على ما اقول روعة جمالك
الورد في الخدين والطرف نعاس= والرمش سهمك والجدايل ظلالك
والابتسامه كنها لمعة الماس=والشهد من بين الثنايا زلا لك
باقي وصوفك والحلى ماله قياس=كن الخلايق تنشده من خلالك
يا سيد كل الناس ياغصن مياس=اجرح وعذبني على ماطرى لك
يفز قلبي كلما هب نسناس = واموت واحيا قبل لحظة وصالك