ياطفل يا للي من ديار العنا صحت= صيحتك خلت دمع عيني يحاكيك
ياطفل قلبي معك ولو وين مارحت= قلبي معك والدمع بأسمك يناديك
ياطفل دامك بالشجاعه توشحت= الله يساعدلك وينجح مساعيك
وإن مت يكفي بأنك ابيوم كافحت= يوم الحجاره تجتمع وسط اياديك
ياطفل يومك بالحجاره تسلحت= حجارتك تسوى جميع البلاجيك
والله كبيره عند ألأقدام لاطحت=وامك تجر الصوت متعلقه فيك
وين العرب يوم ابسببهم تجرحت = يوم اسمحو لكلاب شارون توذيك
دمك ترى برقابهم ماتسامحت =حسيبك الله خالقك مايخليك
ياطفل دامك للشهاده ترشحت= تلقى بدالك من يكمل خطاويك
بعض العرب لو صحت له وين ماصحت=يمكن صحيح إنه يخيب هقاويك