شاقني زولٍ نظرته دخل سوق الهرم=يوم شفته طاح ما في يدي يا مطرفي
قمت اقلب في هجوسي بعد واقسم قسم=ان نور البدر في موقعي قد اشرفي
رسمة عيونه وخده كما نجوى كرم =كنها باليد تاخذ جمال وتغرفي
استخرت الله وقبلت انا يم الحرم=اطلب المعبود ساعه علينا يشرفي
من يدينه اشعل النار في قلبي ضرم =بو عيونٍ ناعسه وبو خديدٍ مرهفي
قلت يا بنت العرب قلب مغليك انحرم =لك شرحت الحال وش عاد تبغي تعرفي
وقفت قالت هات البوك واعطونا قلم =لعلتك نعطي الدوا يالحبيب ونصرفي
قلت يا مزيونه شلون قلبي ينحرم =يا هجوس الشعر عند الكثيري غطرفي
قالت اسمع يابن الاجواد حنا لك خدم =قلت هذي لك هديه بطاقة مصرفي
قالت حنا اهل الكرم يا حبيبي والشيم =من عرفنا يا حبيبي بشوفه نحتفي