[احمد الجريفاني]

الى جنة الفردوس ياقـمّة إحساسي=
..............إلى جنة الفردوس ياحيي وملّي=
بكيتك بقلبي قبل عيني وقرطاسي=
..............بكيتك بروحي ياجروحي وياظلّي=
رحلتي نهار وحلّ في جوفي إدماسي=
..........بفرقاك أبد ، ماظن الايام يصفن لّي=
تركتي رفيق العمر تطويه الاتعاسي=
...........رحلتي ومن بفراقك اليوم يفطن لّي=
تصبرت قدام البشر تصرخ انفاسي=
.........ويوم خلدوا في نومهم جيت أنا كلّي=
فقدتك وكنتي تاج عز على رأسي=
...........فقدتك بأمر اللي على الكون متعلّي=
سكنتي عروقي حب مايقبل قياسي=
...................أبد مايفارقني بترحالي وحلّي=
تفاخرت بك ياروح روحي على الناسي=
..................تباهيت بطباعك ولاشاركك خلّي=
إذا الناس معدنهم ذهب فأنتي ألماسي=
.............إذا الناس عشرتهم تعب قربك يسلّي=
فقدت الذي لاسولفت تقعد عماسي=
..................ولو عاشرن غيره اكيد إنه يملّي=
كتمتي غبون الوقت ماجاك هوجاسي=
............وقفتي معي يالبدر في عزّي وذليّ=
أشوفه بفقدك يالغلى بان وسواسي=
..............سلبتي جوارح فاقدك صار منشلّي=
من بغيبتك يقدر يعوض لي إفلاسي=
.....................بلياك أنا ماظن الأيام يا ونلّي=
مع فراق رأس المال دقن الأجراسي=
..............بدا عدّي العكسي بدا العمر ينفلّي=
انا مؤمن صبّار بس الدهر قاسي=
.............عسى الله يقويني وبلقاك يأذن لّي=