ياشعر كانك ماإنتصرت لنبيي = ماعاد لك لزمه ولا عدت راعيك
إن جيت فزاعٍ فـ خذتك خويي = ثم صحت لك ياشعري الحي يحييك

إن كان ماقمنا لنصرت محمد = وش عاد باقي داخل القلب للدين؟
الدين ناره صاليه ماترمد = قد قالها القرآن عهد وبراهين
لو حاول الكفار إنه يخمد = يبقى بعزه رغم كيد المعادين
قل للحقير اللي برسمه تعمد = تخسى ويخسى شعبكم يالحقيرين
لاتنخدع بالسيف لاجاء مغمد = السيف له سلّه تهز الميادين
لو جهز الكفار جيشٍ معمد = اجيوش ربي جاهزه بين حرفين
كُن فيكُن والجيش صار متجمد = ماعاد يدري ضربته جات من وين
جيشٍ بأمر الله وعزمه مصمد = يجيكم لنصرة ختام النبيين
والجرح يبقى عاريٍ مايضمد = حتى يجي نصراً يسر المحبين
وإن كانها وصلت لنصرت محمد = ارواحنا فدوه لجل نصرت الدين