هوى نجم في ليل الهوى من سماه يدور= وناظرت وقعه في ثرى العيص نوراني
تذكرت قول المصطفى يوم قوله نور = عن الخسف والزلزال والواقع اشقاني
وماشفت له تاثير في معمعات العور = وكثر الفتن خلت هل الفكر عمياني
يقولون هذا شي عادي وغيره زور = وانا اقول يالله رحمتك واحم الاوطاني
تثور الزلازل واهتزازات طور وطور =بمقياس ريختر جاوزت صوت الاوكاني
سمعنا بها وانهز منها كرى والطور = وراحت جهينه في بلدها بالاحزاني
تشقق غلاف الارض من صالي التنور=وشدو العرب من دارهم بين الاشجاني
كأني من اهل العيص ساعة فراق الدور=سكبت الدموع الجاريه فوق الاوجاني
لك الله يادارٍ لها بالصدور قصور =على ذكريات الطيب فيها والامزاني
خلت من محبيها ومن زغردات الحور=وناحت على الذكرى كما طير حوراني
صبوره لحكم الله واختارت المقدور = وخلانها من بعدها هزو الحاني
من آيات رب الكون تالي الزمان نحور=وتنهز من تاثيرها كل الابداني
وخسفين بالمشرق وبالغرب حسب الدور=عسى الله ينقذنا من اهوال طوفاني
رضينا بحكم الله بالنايبه وسرور = وما يكتب المولى يلاقيه الانساني
الا يالله اني طالبك ترحم المجبور =على ترك داره وابدله صدق الايماني
وتحمي بلدنا يالهي من اهل الجور =وترسل علينا رحمتك وانت رحماني