[صوت الإحساس]

تحيه عطرها الكادي



يامن أسرتم فؤادي










كسر غير




لوفي عظم




فاد فيه التجبير






[blink]إليكم كما هي [/blink]

ليه قلبك يوم قرّر ينسحب نفّذ قراره= والله انه لو درابي ماتركني للونين
شوفني للحين باقي من هجرني بنتظاره = ياعذابي كان قلبك لايحس ولا يلين

أنكسرت ومال كسري عند خلق الله جباره = كسر قلب وماله الا لطف رب العالمين
كسر غيّر كل معنى وانقلب ربحي خساره = شوفني من يومها اصفِق بالشمال وباليمين
ماترك لي غير جرح وهم وآلام ومراره = نصف مات ونصف باقي حي لكنّه حزين
لا بغى ينسى عذابك ذكّره طيفك وزاره = كيف ينسى وانت تسكن عين واحزاني بعين
حسبك الله في خفوق(ن) أنت عنوانه وداره = وين مايرحل يشوفك رغبته عن كل زين
من يقول ان الغلا اللي عمّره ينوي دماره = لين طحت وطاح حظي وما لقيت اللي يعيني
صرت وحدي دون ما اشعر لا غرور ولا شطاره = قدّر الله والمقدّر ينكتب فوق الجبين
شوف خوفي شوف ضعفي شوف حالي وانكساره = شوفني وش لون كنت وشوفني هـالحين وين
شوف قلبي اللي ذبحت وما قوى ياخذ بثاره = كيف يقوى وانت نبضه ذبح نفسه مرتين