[عبدالعزيز ابراهيم المنصور]

بسم الله الرحمن الرحيم
نص متواضع أتمنى أن ينال على استحسانكم

العنى قاسي علي يابوخليل=منه متوذي و حالي التوت
اشتكي من غربة الليل الطويل=به معاليقي من الضيقه عوت
ضايق ٍ من حال كل ماله يميل=وايضا من ناس ٍ من الطيبة خوت
ناس منهجها على المبدا تعيل=سيئة تفكير ونفوس ٍ غوت
واعذابي من فوادي هالعليل=يشتكي هموم ٍ لغربالي نوت
افتكر من وقت لهمومه اشيل=وافتكر في دنيتي وفيما حوت
ولايجاوبني سوى صوت العويل=وجملة اوهام ٍ لاحاسيسي اوت
آه من حمل ٍ على متوني ثقيل=لاقويت اقواه ولامتوني قوت
غايتي في حلم زاول للرحيل=له انا مشتاق ونفسي له هوت
ياحلم ارجوك يكفيني قليل= ينتشل حال ٍ من الحسرة روت
راح عمري في مكان ٍ به اخيل=غيمة اسنين ٍ لعمري قدطوت
اسالك ياربي لهمومي تزيل=واسالك تلطف بحالي اللي انكوت